საქართველოს უზენაესი სასამართლო
მრგვალი მაგიდა სამოქალაქო სამართლის აქტუალურ თემებზე: საბანკო გარანტია, თავდებობა, ნარდობის ხელშეკრულებიდან ზიანის ანაზღაურების წესი და ნაკლის მქონე ნივთის მიღება
გამოქვეყნებულია: 07/06/2016
2016 წლის 7 ივნისს უზენაეს სასამართლოში დრეზდენის უმაღლესი სამხარეო სასამართლოს მოსამართლეთა დელეგაციისა და ქართველი მოსამართლეების და ადვოკატების მონაწილეობით სამოქალაქო სამართლის აქტუალურ საკითხებზე მრგვალი მაგიდა გაიმართა.
დამსწრე საზოგადოებას მისასალმებელი სიტყვით მიმართა უზენაესი სასამართლოს თავმჯდომარემ ნინო გვენეტაძემ და ხაზი გაუსვა მხარეთა თანამშრომლობის მნიშვნელობას, მათ შორის ისაუბრა უზენაეს სასამართლოში საკვალიფიკაციო პალატის საქმიანობის გაძლიერებისთვის სამომავლო ღონისძიებების დაგეგმვის თაობაზე. მონაწილეებს ასევე მიესალმნენ და სასამართლო პრაქტიკის თაობაზე ესაუბრნენ უზენაესი სასამართლოს თავმჯდომარის მოადგილე მზია თოდუა, მოსამართლეები ზურაბ ძლიერიშვილი, ბესო ალავიძე, პაატა ქათამაძე, დრეზდენის უმაღლესი სამხარეო სასამართლოს თავმჯდომარე, ულრიხ ჰაგელოხი, საბინე შონკნეხტი და დელეგაციის წევრმა სხვა მოსამართლეებმმა.
სამუშაო შეხვედრის ფარგლებში მონაწილეებმა მოხსენებებით ქართული და გერმანული კანონმდებლობის, ასევე სასამართლო პრაქტიკის მაგალითზე მიმოიხილეს სამოქალაქო სამართლის შემდეგი თემები: საბანკო გარანტია, თავდებობა, ნარდობის ხელშეკრულებიდან ზიანის ანაზღაურების წესი, ნაკლის მქონე ნივთის მიღება და ხანდაზმულობა. ყოველი მოხსენების შემდგომ დისკუსიის ფორმატში მონაწილეებს შესაძლებლობა ჰქონდათ დაეფიქსირებინათ საკუთარი პოზიციები.
სამუშაო შეხვედრა მრგვალი მაგიდის ფორმატში ხვალ, ა/წ 8 ივნისს სასამართლო გადაწყვეტილებების სტრუქტურისა და კრიტერიუმების შესახებ შემაჯამებელი დისკუსიით დასრულდება.
უზენაეს სასამართლოში მრგვალი მაგიდა დრეზდენის უმაღლესი სამხარეო სასამართლოს მოსამართლეთა დელეგაციის მონაწილეობით გაიმართა გერმანიის საერთაშორისო თანამშრომლობის საზოგადოების (GIZ) მხარდაჭერით.