საქართველოს უზენაესი სასამართლო
უზენაესი სასამართლოს თავმჯდომარის მოადგილე, ქალბატონი მზია თოდუა ევროკავშირის ევროპასა და ცენტრალურ აზიაში საგარეო ქმედებათა სამსახურის ხელმძღვანელს, ბატონ თომას მაიერ-ჰართინგს შეხვდა
გამოქვეყნებულია: 30/05/2016
2016 წლის 27 მაისს უზენაესი სასამართლოს თავმჯდომარის მოადგილე, ქალბატონი მზია თოდუა ევროკავშირის ევროპასა და ცენტრალურ აზიაში საგარეო ქმედებათა სამსახურის ხელმძღვანელს, ბატონ თომას მაიერ-ჰართინგს შეხვდა.
შეხვედრაზე უზენაესი სასამართლოს თავმჯდომარია მოადგილემ მიმოიხილა სასამართლო სისტემაში მიმდინარე მოვლენები და მართლმსაჯულების მესამე ტალღის ფარგლებში გათვალისწინებული საკანონმდებლო ცვლილებები. მზია თოდუამ ასევე ისაუბრა ევროკავშირის ხელშეწყობით სამართალწარმოების ხარისხის გაუმჯობესების მიზნით დაგეგმილი ღონისძიებების თაობაზე და ევროკავშირთან მჭიდრო თანამშრომლობა დაადასტურა.
შეხვედრა აქტიური დიალოგის რეჟიმში წარიმართა. თომას მაიერ-ჰართინგმა მადლობა გადაუხადა უზენაესი სასამართლოს თავმჯდომარის მოადგილეს ინფორმაციის მიწოდებისათვის.