საქართველოს უზენაესი სასამართლო
უზენაესი სასამართლოსა და იუსტიციის უმაღლესი საბჭოს თავმჯდომარე, ქალბატონი ნინო გვენეტაძე მოსამართლეებს პროფესიულ დღეს ულოცავს
გამოქვეყნებულია: 15/05/2016
უზენაესი სასამართლოსა და იუსტიციის უმაღლესი საბჭოს თავმჯდომარე, ქალბატონი ნინო გვენეტაძე საერთო სასამართლოების ყველა მოსამართლეს პროფესიულ დღეს ულოცავს:
"ძვირფასო კოლეგებო, საქმიანობა, რომელსაც თქვენ ეწევით ძალზედ მნიშვნელოვანი და საპასუხისმგებლოა. სასამართლოს დამოუკიდებლობა, ქართულ მართლმსაჯულებაში მაღალი სტანდარტის დამკვიდრება და სასამართლო ხელისუფლების მიმართ საზოგადოების ნდობის განმტკიცება დამოკიდებულია სწორედ თითოეული მოსამართლის გულისხმიერებაზე, მონდომებასა და გარჯაზე.
გისურვებთ, ღირსეულად ატაროთ მოსამართლის მანტია, პირნათლად აღასრულოთ მოსამართლის მაღალი დანიშნულება და თქვენი წარმატებული სამოსამართლო მოღვაწეობით მნიშვნელოვანი წვლილი შეიტანოთ საერთაშორისო სტანდარტის ქართული მართლმსაჯულების დამკვიდრების პროცესში."