საქართველოს უზენაესი სასამართლო
უზენაესი სასამართლოსა და იუსტიციის უმაღლესი საბჭოს თავმჯდომარემ, ნინო გვენეტაძემ კამპანიის - „სამართალი ითხოვს!“ - ფარგლებში ორგანიზებულ ფორუმში მონაწილეობა მიიღო
გამოქვეყნებულია: 11/05/2016
2016 წლის 11 მაისს უზენაესი სასამართლოსა და იუსტიციის უმაღლესი საბჭოს თავმჯდომარემ, ნინო გვენეტაძემ თბილისში სასტუმრო „რედისონში“ მონაწილეობა მიიღო კოალიციის „დამოუკიდებელი და გამჭვირვალე მართლმსაჯულებისათვის“ მიერ კამპანიის „სამართალი ითხოვს!“ ფარგლებში ორგანიზებულ საზოგადოებრივ ფორუმში, თემაზე: „საქართველოს სასამართლო სისტემის რეფორმა - შემდგომი ნაბიჯები“.
ფორუმზე განხილული იქნა კოალიციის რეკომენდაციები მოსამართლეთა შერჩევა-დანიშვნის, საქმეთა განაწილებისა და სასამართლოს თავმჯდომარეების დანიშვნის საკითხებზე.
ფორუმში მონაწილეობა მიიღეს ხელისუფლების აღმასრულებელი, საკანონმდებლო და სასამართლო შტოების წარმომადგენლებმა, იუსტიციის უმაღლესი საბჭოს წევრებმა, პრაქტიკოსმა იურისტებმა, ადვოკატთა ასოციაციის თავმჯდომარემ და სფეროს ექსპერტებმა. შეხვედრას ასევე ესწრებოდნენ საერთაშორისო დონორი ორგანიზაციების, არასამთავრობო სექტორისა და მედიის წარმომადგენლები.