საქართველოს უზენაესი სასამართლო
შეხვედრა მართლმსაჯულების ეფექტიანობის ევროპული კომისიის ეროვნულ წარმომადგენელთან - ქ-ნ ნინო ბაქაქურთან
გამოქვეყნებულია: 30/03/2016
2016 წლის 30 მარტს, უზენაეს სასამართლოში გაიმართა შეხვედრა მართლმსაჯულების ეფექტიანობის ევროპული კომისიის (CEPEJ) ეროვნულ წარმომადგენელთან - უზენაესი სასამართლო მოსამართლესთან, ქ-ნ ნინო ბაქაქურთან.
შეხვედრას ესწრებოდნენ CEPEJ-ს ფარგლებში მონაწილე სხვადასხვა პასუხისმგებელი უწყების წარმომადგენლები. კერძოდ, მოწვეულნი იყვნენ: უზენაესი სასამართლოს, სააპელაციო სასამართლოს, იუსტიციის უმაღლესი საბჭოს, მთავარი პროკურატურის, სსიპ იურიდიული დახმარების სამსახურის, იუსტიციის სამინისტროს, ადვოკატთა ასოციაციის წარმომადგენლები.
აღნიშნული შეხვედრის ძირითადი მიზანი იყო მართლმსაჯულების ეფექტიანობის ევროპული კომისიის მიერ 2016 წლის შეფასების ანგარიშის განხილვა და შესაბამისად მომზადებული პასუხების დაზუსტება და განვრცობა.