საქართველოს უზენაესი სასამართლო
უზენაესი სასამართლოს და იუსტიციის უმაღლესი საბჭოს თავმჯდომარემ ქუთაისის საქალაქო, წყალტუბოს მაგისტრატ და ახალციხის რაიონულ სასამართლოებში სამუშაო შეხვედრები გამართა
გამოქვეყნებულია: 24/01/2016
უზენაესი სასამართლოს თავმჯდომარე საქართველოს რეგიონის სასამართლოებში სამუშაო შეხვედრებს განაგრძობს. 2016 წლის 24 იანვარს უზენაესი სასამართლოსა და იუსტიციის უმაღლესი საბჭოს თავმჯდომარემ ნინო გვენეტაძემ ქუთაისის საქალაქო, წყალტუბოს მაგისტრატ და ახალციხის რაიონულ სასამართლოებში სამუშაო შეხვედრები გამართა, სადაც, მოსამართლეებთან ერთად განიხილა საქართველოს სისხლის სამართლის საპროცესო კოდექსის 114-ე მუხლის „გამოძიების დროს პირის მოწმედ დაკითხვის წესის“ ამოქმედებასთან დაკავშირებული საკითხები, დაათვალიერა სასამართლო შენობები და მოწმეთა დაკითხვისათვის განკუთვნილი ოთახები, ასევე, იქ არსებული ინფრასტრუქტურა.
ასეთივე შეხვედრები უკვე გაიმართა რუსთავის,ფოთის საქალაქო, მცხეთის,ოზურგეთის,ზუგდიდის, ბოლნისის რაიონულ, მარნეულის მაგისტრატ სასამართლოებში. უზენაესი სასამართლოს თავმჯდომარემ უშუალოდ მოსამართლეებისგან მოისმინა მოწმეთა დაკითხვის ახალი წესის ამოქმედებასთან დაკავშირებული მოსაზრებები, რომელიც შეეხებოდა, როგორც სამართლებრივ, ასევე ტექნიკურ და ინფრასტრუქტურულ ასპექტებს.