საქართველოს უზენაესი სასამართლო
ნინო გვენეტაძე ესწრება საზოგადოებრივ ფორუმს თემაზე: „საქართველოს სასამართლო სისტემის გამოწვევები“
გამოქვეყნებულია: 21/12/2015
2015 წლის 21 დეკემბერს უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძე თბილისში სასტუმრო „ჰოლიდეი ინში“ ესწრება საზოგადოებრივ ფორუმს თემაზე: „ საქართველოს სასამართლო სისტემის გამოწვევები“.
ფორუმის მონაწილეებს მისასალმებელი სიტყვით მიმართეს: უზენაესი სასამართლოს თავმჯდომარემ ნინო გვენეტაძემ, საქართველოს პარლამენტის თავმჯდომარემ დავით უსუფაშვილმა, იუსტიციის მინისტრის პირველი მოადგილემ ალექსანდრე ბარამიძემ, სახალხო დამცველმა უჩა ნანუაშვილმა, ამერიკის შეერთებული შტატების საერთაშორისო განვითრების სააგენტოს მისიის ხელმძღვანელმა დუგლას ბოლიმ.
ფორუმის ფარგლებში დისკუსიის რეჟიმში მოხსენებებით წარდგებიან შემდეგ საკითხებზე: იუსტიციის უმაღლესი საბჭო: მოსამართლეთა შერჩევა-დანიშვნის პრობლემები; მოსამართლეთა სპეციალიზაცია და საქმის განაწილება საერთო სასამართლოებში.
საზოგადოებრივ ფორუმს თემაზე: „საქართველოს სასამართლო სისტემის გამოწვევები“ ორგანიზება გაუწია კოალიცია „დამოუკიდებელი და გამჭვირვალე მართლმსაჯულებისთვის“ .