საქართველოს უზენაესი სასამართლო
კონსტანტინე კუბლაშვილი ამერიკის უზენაესი სასამართლოს თავმჯდომარეს შეხვდება
გამოქვეყნებულია: 07/11/2011
5-12 ნოემბრის ჩათვლით, ქართველი მოსამართლეები აშშ იუსტიციის დეპარტამენტის მიერ ორგანიზებული ვიზიტის ფარგლებში ქ. ვაშინგტონს ეწვივნენ.
საქართველოს უზენაესი სასამართლოს თავმჯდომარე კონსტანტინე კუბლაშვილი მოსამართლეებთან და იუსტიციის უმაღლესი სკოლის ხელმძღვანელ პირებთან ერთად, ამერიკის უზენაესი სასამართლოს თავმჯდომარეს და ამერიკელ მოსამართლეებს შეხვდებიან.
ამერიკელი კოლეგებისგან ქართველი მოსამართლეები განაჩენის მომზადებასთან დაკავშირებულ სამართლებრივ საკითხებზე მიიღებენ ინფორმაციას.
საქართველოში მიმდინარე სასამართლო რეფორმის ფარგლებში, დიდი ყურადღება ექცევა კვალიფიციური მოსამართლეების მომზადებას. სასამართლო გადაწყვეტილების წერის ტექნიკა კი მოსამართლის კვალიფიციურობის ერთ-ერთი განმსაზღვრელი ფაქტორია. ამერიკული პრაქტიკის გაცნობა ამ მიმართულებით მნიშვნელოვანი გამოცდილება იქნება ქართველი მოსამართლეებისთვის.