საქართველოს უზენაესი სასამართლო
უზენაესი სასამართლოს თავმჯდომარემ იუსტიციის უმაღლეს სკოლაში საჯარო ლექცია გამართა
გამოქვეყნებულია: 28/11/2015
2015 წლის 27 ნოემბერს უზენაესი სასამართლოს თავმჯდომარემ იუსტიციის უმაღლეს სკოლაში იურიდიული ფაკულტეტისა და სამართლის სკოლის სტუდენტებისათვის გამართა საჯარო ლექცია თემაზე: "სასამართლოს რეფორმის მესამე ეტაპი; არასრულწლოვანთა მართლმსაჯულების კოდექსი".
ნინო გვენეტაძემ დამსწრე საზოგადოებას გააცნო მართლმსაჯულების რეფორმის მესამე ეტაპის ფარგლებში დაგეგმილი მნიშვნელოვანი საკანონმდებლო ცვლილებები, რომლის მთავარ პრიორიტეტსაც წარმოადგენს დამოუკიდებელი და მიუკერძოებელი სასამართლო სისტემის შექმნა და გაძლიერება. უზენაესი სასამართლოს თავმჯდომარე სტუდენტებს, ასევე ესაუბრა იმ ნოვაციებზე, რასაც ითვალისწინებს არასრულწლოვანთა მართლმსაჯულების კოდექსი და აღნიშნა, რომ კოდექსი საერთაშორისო სტანდარტების შესაბამისად ორიენტირებულია კანონთან კონფლიქტში მყოფი არასრულწლოვნის, არასრულწლოვანი დაზარალებულის საუკეთესო ინტერესზე.
საჯარო ლექციის ფარგლებში სტუდენტებს შესაძლებლობა ჰქონდათ მომხსენებლისთვის დაესვათ მათთვის საინტერესო შეკითხვები