საქართველოს უზენაესი სასამართლო

მერაბ გაბინაშვილი

მოსამართლე, საკვალიფიკაციო პალატის წევრი, საკვალიფიკაციო პალატის თავმჯდომარე

2019 წლის 12 დეკემბრიდან არჩეულია საქართველოს უზენაესი სასამართლოს მოსამართლედ უვადოდ, ორგანული კანონით დადგენილი ასაკის მიღწევამდე.

2020 წლის 4 სექტემბრიდან არის საკვალიფიკაციო პალატის წევრი და თავმჯდომარე;

პირადი ინფორმაცია

დაიბადა 1973 წლის 28 თებერვალს, ქ. თბილისში.

სამუშაო გამოცდილება

2019 წლიდან იყო თბილისის სააპელაციო სასამართლოს საგამოძიებო კოლეგიის თავმჯდომარე.

2017-2019 წლებში იყო თბილისის სააპელაციო  სასამართლოს სამოქალაქო საქმეთა კოლეგიის თავმჯდომარე.

2013-2017 წლებში იყო საქართველოს იუსტიციის უმაღლესი საბჭოს წევრი.

2012-2017 წლებში იყო თბილისის სააპელაციო სასამართლოს საგამოძიებო კოლეგიის თავმჯდომარე.

2012 წლის ნოემბრიდან 2019 წლის 12 დეკემბრამდე იყოთბილისის სააპელაციო სასამართლოს მოსამართლე. 2017 წლიდან აღნიშნულ თანამდებობაზე განწესებული იყო უვადოდ, კანონით დადგენილი ასაკის მიღწევამდე.

2009-2012 წლებში იყო ზესტაფონის რაიონულ სასამართლოს თავმჯდომარე.

2007-2009 წლებში იყო ქუთაისის საქალაქო სასამართლოს მოსამართლე და უფლებამოსილებას ახორციელებდა ზესტაფონის რაიონულ სასამართლოში.

2006-2007 წლებში იყო გორის რაიონული სასამართლოს მოსამართლე.

2005-2006 წლებში მუშაობდა საქართველოს ფინანსთა სამინისტროს საგამოძიებო დეპარტამენტის გამომძიებლის თანამდებობაზე.

2000-2005 წლებში მუშაობდა შინაგან საქმეთა სამინისტროს საგამოძიებო დეპარტამენტის განსაკუთრებით მნიშვნელოვან საქმეთა გამომძიებელად; შემდეგ უფროს გამომძიებელად.

1997-200 წლებში იყო შინაგან საქმეთა სამინისტროს საგამოძიებო დეპარტამენტის ქვემო ქართლის სამხარეო საგამოძიებო სამსახურის გამომძიებელი; ამავე სამსახურის უფროსი გამომძიებელი.

1990-1995 წლებში მუშაობდა ქ. თბილისის გლდანის რაიონის სასამართლოში თარჯიმნად.

განათლება

1996 წელს წარჩინებით დაამთავრა ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი.